"Manchester Yunayted" hujumchisi "Inter"ga o'tishi mumkin

“Manchester Yunayted”ning niderlandiyalik hujumchisi Joshua Zirkzee avvalroq “Bolonya”da o'ynagan Italiya chempionatiga qaytishi mumkin.

Italiya matbuoti xabariga ko'ra, "qizil iblislar" hujumchisiga "Inter" qiziqish bildirmoqda. 23 yoshli Zirkzeening transferi 35 million evroga baholanmoqda. Joshuaning mankunianliklar bilan amaldagi mehnat shartnomasi muddati 2029 yilning o'rtalarigacha hisoblangan.

Angliya Premer-ligasining joriy mavsumid futbolchi “Manchester Yunayted” safida 32 ta o'yinda maydonga tushdi. Joshua uchta gol urdi va bitta golli uzatmani amalga oshirdi.