"Bayer" "Barselona" zaxirasida qolib ketayotgan hujumchini sotib olishi mumkin

Kataloniyaning "Barselona" klubi hujumchisi Pau Viktor faoliyatini boshqa klublarda davom ettirish imkoniyatiga ega, deya xabar bermoqda Diario Sport.

Manbaga ko'ra, 23 yoshli forvard xizmatiga "Bayer" qiziqish bildirmoqda. Shuningdek, Viktorning Ispaniya chempionatida bir nechta variantlari bor. Futbolchini Sevilyaning "Betis," "Malorka" va "Selta" klublari o'z safiga qo'shib olmoqchi.

O'z navbatida "Barselona" ham Viktorni ijaraga berish variantini ko'rib chiqmoqda. Shu bilan birga, agar qulay taklif bo'lsa, kataloniyaliklar to'liq sotuvni rasmiylashtirishlari mumkin.

Pau joriy mavsum "ko'k-anorranglilar" safida 27 ta bahsda maydonga tushib, 2 ta gol urdi va 1 ta golli uzatmani amalga oshirdi.