"Barselona" ter Shtegenga shubha bilan qaramoqda

So'nggi voqealar fonida "Barselona"da Mark-Andre ter Shtegen birinchi darvozabon bo'lish uchun etarlicha yaxshi ekanligiga shubha paydo bo'ldi. Bu haqda Diario As xabar bermoqda.

Manbaga ko'ra, "Barselona"ning pozitsiyasiga tez-tez jarohat olishi, shuningdek, darvozabonning qaytganidan keyingi ishonchsiz o'yini ta'sir qilgan.

Ter Shtegen joriy mavsum barcha musobaqalarda 8 ta o'yinda maydonga tushib, 8 ta gol o'tkazib yubordi va bir marta o'z darvozasi daxlsizligini saqlab qoldi.

Darvozabonning kataloniyaliklar bilan amaldagi mehnat shartnomasi 2028 yilning yozigacha mo'ljallangan. Transfermarkt ekspertlari futbolchining narxini 15 mln evroga baholamoqda.