Lunin sotilishi mumkin

Madridning "Real" klubi darvozaboni Andrey Lunin yaqinlashib kelayotgan transferlar davrida sotib yuborilishi mumkin.

"Qirollik klubi" rahbariyati maqbul taklif tushsa, 26 yoshli darvozabonni ushlab turmaydi, deya xabar bermoqda insayder Fabritsio Romano. Lunin hamon "qaymoqranglilar" uchun muhim, ammo faqat Tibo Kurtuaning o'rinbosari sifatida.

Andrey Lunin joriy mavsumda Karlo Anchelotti jamoasining 12 ta o'yinida maydonga tushib, 19 ta gol o'tkazib yubordi va 4 marta darvozasini daxlsiz saqlab qoldi. Futbolchining shartnomasi 2030 yilgacha mo'ljallangan bo'lib, mashhur Transfermarkt portali mutaxassislari uning narxini 20 mln evroga baholamoqda.