Top-5 ligalarda transfer oynasi endi bir vaqtda yopiladi

Evropaning top-ligalari transfer oynasini bir vaqtda yopadi.

ESPN xabariga ko'ra, APL, La Liga, A Seriya, Bundesliga va Liga 1 transfer oynasini yozning so'nggi kunida yopishni o'zaro kelishib olgan. Endilikda transfer oynasi Markaziy Evropa vaqti bilan soat 20:00da (Toshkent vaqti bilan 23:00) yopiladi.

Ilgari top-5 ligalarda transfer oynasi bir kunda, ammo turli vaqtlarda yopilgan.

Eslatib o'tamiz, yozda klublar o'rtasidagi jahon chempionati o'tkazilishi munosabati bilan ikkita transfer oynasi bo'ladi. Birinchisi 1 iyunda ochiladi va 10 iyunda yopiladi. Ikkinchisi 16 iyunda Angliyada va 1 iyulda boshqa top-5 ligalarda ochiladi, 1 sentyabrda esa hamma joyda yopiladi.