O'zbekiston kubogi. "Nasaf" gollar shousiga aylanib ketgan o'yinda "Paxtakor"ga mag'lub bo'ldi va guruhda qolib ketdi

Futbol bo'yicha O'zbekiston Kubogining 3-turidan o'rin olgan uchrashuvlar 13 may, seshanba kuni o'tkazildi. 

Jumladan, Toshkentda “Paxtakor” klubi “Nasaf”ni qabul qildi. Uchrashuv gollarga boy bo'ldi. 

O'yinning 3-daqiqasida Ibrohim Ibragimov penaltidan hisobni ochdi. Oradan 11 daqiqa o'tib Igor Sergeev hisobni ikkitaga oshirdi. Shundan so'ng qarshiliklar faollikni oshirdi. 

28-daqiqada Stefan Cholovich hisobni qisqartirgan bo'lsa, Akmal Mozgovoy 32-daqiqada hisobni tenglashtirdi. “Sherlar” hisob tenglashgach yana oldinga o'tdi. 36-daqiqada Dilshod Abdullaev jamoasini yana hisobda oldinga olib chiqdi. 

Ikkinchi bo'lim esa o'yin yana-da “yondi”. Jumladan, 54-daqiqada Husayn Norchayv hisobni tenglashtirdi. Oradan 7 daqiqa o'tib Igor Sergeev dublga erishib, hisobni yana oshirdi. 

69-daqiqaga kelib “Nasaf” a'zosi Alibek Davronov qizil kartochka olib maydondan chetlatildi. Qarshiliklar bir kishi kam bo'lib qolganidan foydalangan “Paxtakor” yana-da faollikni oshirdi. 81-daqiqaga kelib Brayan Riaskos hisobni 5:3 ko'rinishiga keltirdi. 85-daqiqada esa Sergeev xet-trik qayd etib, o'yinga yakuniy nuqtani qo'yib berdi.

Shunday qilib, “sherlar” “H” guruhida 9 ochko bilan 1-o'rinni egalladi. “Nasaf” esa 3 ochko bilan 3-pog'onada qolib ketdi.

O'zbekiston Kubogi

3-tur

13 may, seshanba

“Paxtakor” — “Nasaf” 6:3

Gollar: Ibrohim Ibragimov, 3 pen (1:0), Igor Sergeev, 14 (2:0), Stefan Cholovich, 28 (2:1), Akmal Mozgovoy, 32 (2:2), Dilshod Abdullaev, 36 (3:2), Husayn Norchaev, 54 (3:3), Igor Sergeev, 61 (4:3), Brayan Riaskos, 81 (5:3), Igor Sergeev, 85 (6:3)

Chetlatish: Alibek Davronov, 69 (Nasaf)