Fabregasning "Komo"dagi kelajagi aniq bo'ldi

Italiyaning "Komo" klubi bosh murabbiyi Sesk Fabregasning kelajagi haqida ma'lumot paydo bo'ldi.

Nufuzli insayder Fabritsio Romanoning ta'kidlashicha, "Komo" rahbariyati va 38 yoshli Fabregas allaqachon Italiya chempionatining keyingi mavsumi uchun rejalar tayyorlamoqda. Demak, ispaniyalik mutaxassis klubdagi faoliyatini davom ettiradi.

Aytish kerakki, "Komo" o'tgan yili ham B Seriyada o'ynaganini inobatga olsak, ajoyib mavsum namoyish etmoqda. 36-tur yakunlariga ko'ra, Fabregas shogirdlari 48 ochko bilan turnir jadvalida o'ninchi o'rinni egallab turibdi.

Qolgan ikki turda "Komo" safarda "Verona" bilan kuch sinashadi va o'z maydonida "Inter"ni qabul qiladi.