Rossiyalik eshkak eshuvchilar Polshada bo'lib o'tadigan o'smirlar o'rtasidagi Evropa chempionatida ishtirok etishdan bosh tortdi

Rossiyalik eshkak eshuvchilar siyosiy deklaratsiyani imzolashdan bosh tortgani uchun Polshada bo'lib o'tadigan o'smirlar o'rtasidagi Evropa chempionatiga bormaydi. Bu haqda TASSga Rossiya eshkak eshish federatsiyasi rahbari Aleksey Svirin ma'lum qildi.

Uning so'zlariga ko'ra, Rossiya tomoni musobaqa tashkilotchisi sifatida Polsha eshkak eshish assotsiatsiyasi qo'ygan qo'shimcha shartlarga rozi bo'la olmaydi.

“Ular Rossiya davlatidan mablag' olmasliklari, Rossiya bilan aloqador bo'lgan kompaniyalar yoki shaxslardan homiylik pullari olmasliklari to'g'risidagi deklaratsiyalarni imzolashni istaydi”, dedi Svirin.

24-25 may kunlari Krushvitseda eshkak eshish bo'yicha o'smirlar o'rtasida Evropa chempionati bo'lib o'tadi.