Fermin Lopesni "Yunayted" sotib olishi mumkin

"Barselona" hujumkor yarim himoyachisi Fermin Lopes Ispaniyani Angliyaga almashtirishi mumkin, deb xabar bermoqda Todofichajes portali jurnalistlari.

Manbaga ma'lum bo'lishicha, 22 yoshli futbolchini "Manchester Yunayted" va Londonning "Chelsi" klublari o'z safiga qo'shib olmoqchi. "Aristokratlar" rahbariyati ispaniyalik futbolchi uchun 40 million evro taklif qilishga tayyor.

Fermin va "ko'k-anorranglilar" o'rtasidagi amaldagi shartnoma 2029 yilning yozigacha mo'ljallangan. Transfrmarkt uning narxini 50 million evroga baholamoqda.

Lopes joriy mavsum Ispaniya chempionatida 25 ta o'yinda maydonga tushib, 4 ta gol va 4 ta golli uzatmani amalga oshirdi.