Sancho turk grandiga o'tishi mumkin

Hozirda "Chelsi" safida ijarada harakat qilayotgan Jeydon Sancho faoliyatini Turkiyada davom ettirishi mumkin.

25 yoshli futbolchi London klubiga kerak emas. "Aristokratlar" uni 5 million funt jarima evaziga "Manchester Yunayted"ga qaytarib yubormoqchi. O'z navbatida "qizil iblislar" murabbiylar shtabi ham Sanchoga ishonmaydi.

"Galatasaroy" ushbu vaziyatdan foydalangan holda Sanchoni o'z safiga qo'shib olishga harakat qiladi. Transfermarkt uni 30 million evroga baholamoqda.