Romano: Xabi Alonso "Real" rahbariyatidan darhol ikki transfer so'radi

"Real Madrid"ning yozgi transfer rejalari haqida ma'lumotlar paydo bo'ldi.

Insayder Fabritsio Romanoning so'zlariga ko'ra, may oyi oxiri-iyun oyi boshida ishga kirishadigan yangi bosh murabbiy Xabi Alonsoning iltimosiga ko'ra, "qirollik klubi" yangi markaziy himoyachi sotib olmoqchi. Qolaversa, klub himoyaning chap qanoti uchun ham faol izlanishlar olib bormoqda.

35 turdan so'ng "Real Madrid" Ispaniya La Ligasi turnir jadvalida 75 ochko bilan ikkinchi o'rinda bormoqda.

Madridning "Real" klubini ayni vaqtda joriy Ispaniya chempionati yakunlanganidan keyin jamoani tark etadigan Karlo Anchelotti boshqarmoqda.