Yamal Bellingemga javob qaytardi(mi?)

"Barselona" vingeri Lamin Yamal o'z Instagram sahifasida "Real" yulduzi Jud Bellingemga "tegishtirib" post qoldirdi.

Gap shundaki, "Inter"ga qarshi baxsdan so'ng Alessandro Bastoni Instagram sahifasiga Yamal bilan o'yindagi holatning rasmini joylagan.

Ushbu rasm Yamal ustidan kulish edi. Qizig'i Jud Bellingem ushbu rasmga "like" bosgan. Lekin u Bastonining shu kungacha bo'lgan hech qaysi postiga "like" bosmagan. Xatto uning sahifasiga obuna ham bo'lmagan. Bu ish Laminga yoqmagan ko'rinadi, javobini aynan o'sha futbolchiga qarshi o'yinda amalga oshirdi.

17 yoshli ispaniyalik futbolchi "Real"ga qarshi (4:3) g'alabadan so'ng Instagram sahifasida "Bunga ham o'z "like"ingni bos" deb post joyladi.