Reshford qishdan buyon "Barsa"ga o'tishni juda istamoqda

"Manchester Yunayted" hujumchisi Markus Reshford tezroq Ispaniyaga ko'chib o'tmoqchi. Hozirda u "Aston Villa" safida ijarada o'ynamoqda.

Sky Sports xabariga ko'ra, 27 yoshli ingliz qishdayoq "Barselona"ga o'tmoqchi bo'lgan, ammo kataloniyaliklar bu kelishuvni amalga oshira olmagan. Endi Markus yozda bu transferni amalga oshirish uchun bor kuchi bilan harakat qiladi.

Reshfordning "qizil iblislar" bilan shartnomasi 2028 yil yarmigacha mo'ljallangan. Transfermarkt uni 50 million evroga baholamoqda.

Reshford joriy mavsumda 41 ta o'yinda 11 ta gol urib, 9 ta assist berdi.