Xoland: "Bu mavsum biz uchun falokatli bo'ldi"

"Manchester Siti" markaziy hujumchisi Erling Xoland jamoasining joriy mavsumdagi o'yiniga baho berdi.

"Biz "planka"ni juda baland qilib olganimiz sababli, bu mavsum falokatli bo'ldi. Yangi mavsumda oldinga intilish uchun yana o'zimizda olov topishimiz kerak", - dedi norvegiyalik hujumchi.

Eslatib o'tamiz, Angliya Premer-ligasining joriy mavsumida Xosep Gvardiola jamoasi turnir jadvalida to'rtinchi o'rinda bormoqda. "Manchester Siti"ning navbatdagi uchrashuvi "Kristal Pelas"ga qarshi Angliya kubogi finali doirasida bo'lib o'tadi. Erling joriy mavsumda 41 ta o'yinda maydonga tushib, 30 ta gol urishga muvaffaq bo'ldi.