Amorim "MYu"ning asosiy muammosi nimada ekanligini aytdi

"Manchester Yunayted" bosh murabbiyi Ruben Amorim jamoa qaysi jihatlarini yaxshilashi kerakligini aytdi.

"Qizil iblislar" chempionatda muvaffaqiyatsiz natijalar ko'rsatmoqda - 36 turdan so'ng turnir jadvalida 16-o'rinda. Portugaliyalik murabbiy ruhiy holatni muvaffaqiyatsizliklarning asosiy sabablaridan biri deb atadi.

"Gap raqobatga qanday bardosh berayotganimiz, mag'lubiyatlardan qanday ta'sirlanayotganimiz va darvozani himoya qilish uchun qanday jon-jahdimiz bilan kurashayotganimizda. Bu jihatlarda o'zimizni takomillashtirishimiz zarur. Ba'zan bu holat nafaqat maydon ichida, balki undan tashqarida ham namoyon bo'ladi," - deya ta'kidladi Amorim Sky Sports'ga bergan suhbatida.