"Yuventus" "Chelsi" bilan muzokaralarni boshlab yubordi

"Yuventus" huquqlari "Chelsi"ga tegishli bo'lgan himoyachi Renatu Veygani sotib olmoqchi. Portugaliyalik futbolchi yanvar oyida "keksa sinora" safiga mavsum oxirigacha ijara asosida o'tgandi.

Jurnalist Nikolo Skiraning xabar berishicha, "Yuventus" 21 yoshli futbolchini sotib olish uchun "Chelsi" bilan muzokaralarni boshlagan. Tomonlar hozircha transfer narxi borasida kelishib olmagan.

Renatu Veyga turinliklar safida 13 ta o'yin o'tkazib, bitta golli uzatmani amalga oshirdi. Transfermarkt portali markaz va chap qanotda o'ynay oladigan serqirra himoyachining narxini 18 million evroga baholamoqda.