"Roma"ning dekabr oyidan buyon davom etib kelgan A Seriyadagi mag'lubiyatsiz seriyasi yakunlandi

"Roma" A Seriyada 20 uchrashuvda ilk bor mag'lub bo'ldi.

Klaudio Raneri boshchiligidagi jamoa 36-tur uchrashuvida "Atalanta"ga imkoniyatni boy berdi (1:2).

Bungacha rimliklar Italiya chempionatida ketma-ket 19 uchrashuvdan beri mag'lubiyatga uchramagan - bu davrda jamoa 14 marta g'alaba qozongan va 5 bor durang o'ynagan. "Roma"ning so'nggi mag'lubiyati 15 dekabr kuni - "Komo" bilan o'yinda (0:2) yuz bergandi.

Mavsum tugashiga 2 tur qolganida "Roma" A Seriya turnir jadvalida 63 ochko jamg'argan holda 6-o'rinda bormoqda – 4-o'rindagi "Yuventus"dan bir ochko kam. Keyingi turda jamoa "Milan" bilan o'ynaydi.