"Bavariya" va "Yuventus" "Chelsi" hujumchisini qo'lga kiritmoqchi

"Chelsi" hujumchisi Kristofer Nkunku yozgi transfer oynasida jamoani tark etishi mumkin, deya xabar beradi jurnalist Nikolo Skira.

27 yoshli frantsiyalik futbolchiga "Bavariya" va "Yuventus" qiziqish bildirmoqda. Har ikki klub yozda klubini o'zgartirmoqchi bo'lgan futbolchining ehtimoliy transferi haqida ma'lumot so'ragan.

Nkunku joriy mavsumda 42 ta o'yinda maydonga tushib, 14 ta gol urdi va 5 ta golli uzatmani amalga oshirdi.