Alonsoning o'rnini "Monako" ustozi egallashi mumkin

Frantsiyaning "Monako" klubi bosh murabbiyi Adi Xyutter Germaniyaning "Bayer" klubida Xabi Alonsoning o'rnini egallashi mumkin. Bu haqda L’Équipe nashri xabar bermoqda.

Manbaga ko'ra, Leverkuzen rahbariyati Xyutterni jamoaning hozirgi darajasini saqlab qolishga qodir, deb hisoblamoqda. Avstriyalik mutaxassis 2023 yildan buyon "Monako"ni boshqarib kelmoqda. Uning qo'l ostida jamoa birorta ham chempionlikni qo'lga kirita olmadi, lekin birinchi mavsumda ikkinchi o'rinni egalladi va hozirda "Marsel"dan bir ochko ortda qolgan holda uchinchi o'rinda bormoqda.

Oldin ko'p marta xabar qilinganidek, klubga 3 ta sovrin olib kelgan Xabi Alonso "Real"ga jo'nab ketadi.