Ramushga "Arsenal", "Manchester Yunayted", "Nyukasl" va "Yuventus" qiziqish bildirmoqda

"PSJ" hujumchi Gonsalu Ramushni qo'yib yuborishi mumkin, deb yozadi CaughtOffside.

Frantsuz klubi hujumchini sotishni rejalashtirmagan, biroq unga boshqa klublar tomonidan qiziqish ortib bormoqda, shuning uchun ham ijobiy kelishuvga erishish imkoniyati ortib bormoqda.

Ma'lumki, 23 yoshli portugaliyalik futbolchini o'z safiga qo'shib olishga "Nyukasl", "Aston Villa", "Napoli" va "Yuventus" qiziqmoqda, biroq "Arsenal" va "Manchester Yunayted" ham potentsial da'vogarlar orasida bo'lishi mumkin.

Gonsalu joriy mavsumda klublar miqyosida 38 ta o'yinda maydonga tushib, 18 ta gol urdi va 6 ta golli uzatmani amalga oshirdi.