Ta hali yangi klub tanlagani yo'q

Mavsum oxirida "Bayer"ni tark etadigan markaziy himoyachi Jonatan Ta kelajagi haqidagi savolga javob berdi.

"Tez orada yangi klubim borasida bir qarorga kelaman. Men sana belgilashni xohlamayman. Ammo bu ikki oy ichida bo'lmaydi", deydi futbolchi.

Bu mavsumda 29 yoshli germaniyalik barcha turnirlarda 48ta o'yinda ishtirok etib, 4ta gol urdi va bitta golli uzatmani amalga oshirdi.

Avvalroq OAV himoyachiga "Barselona", "Real", "Bavariya" va boshqa Evropa grandlari qiziqish bildirayotgani haqida xabarlar tarqalgandi.