"Real" Alonsoni qachon tayinlashi ma'lum bo'ldi

Madridning “Real” klubi hozirda “Bayer” klubi bosh murabbiyi lavozimini egallab turgan ispaniyalik mutaxassis Xabi Alonso bilan mehnat shartnomasini imzolashga rozi bo'ldi.

Insayder Xosep Pedrerol bergan ma'lumotga ko'ra, 43 yoshli murabbiy 1 iyun kuni "Los-Blankos" bilan shartnoma imzolaydi. Alonso "Qirollik klubi" bosh murabbiyi sifatida italiyalik Karlo Anchelotti o'rnini egallaydi.

Ispaniyalik bosh murabbiyligidagi "Real" klublar o'rtasidagi jahon chempionatida ishtirok etishi avvalroq xabar qilingandi. Nufuzli turnir AQShdagi stadionlarda 15 iyundan 13 iyulga qadar bo'lib o'tadi.