Vinisiusning kelajagi ma'lum bo'ldi

"Real Madrid"ning braziliyalik hujumchisi Vinisius Junior jamoa bilan hamkorlikni uzaytiradi.

Bu haqda ESPN jurnalistlari xabar berdi.

Manbaning xabariga ko'ra, yulduzli hujumchi yangi mehnat shartnomasiga imzo chekadi. Shartnoma 2030 yilning o'rtalariga qadar amal qiladi.

Uning maoshi 20 million evroni tashkil qiladi. Bonuslarni hisobga olsak, maosh 30 milliongacha oshishi mumkin.

Vinisius va "Los Blankos" o'rtasidagi amaldagi shartnoma 2027 yilning iyun oyi oxirida tugaydi.