Gvardiola De Bryuynening boshqa APL klubiga o'tishi mumkinligi haqidagi mish-mishlarga javob berdi
/ Kiritdi: BestMaster Ko'rilgan: 22
"Manchester Siti" bosh murabbiyi Xosep Gvardiola 33 yoshli yarim himoyachi Kevin De Bryuyne mavsum oxirida klubni tark etib, boshqa Angliya Premer-ligasi klubiga o'tishi mumkinligi haqidagi ma'lumotga izoh berdi.
Avvalroq OAVda belgiyalik yarim himoyachi xizmatlariga "Liverpul" va "Aston Villa" klublari qiziqish bildirayotgani haqida xabarlar tarqalgandi.
"Bilmayman. Men Kevin va uning oilasi uchun eng yaxshisini xohlayman. Faqat eng yaxshisini", - dedi Gvardiola matbuot anjumanida.
De Bryuyne 2015 yilning yozidan buyon "Manchester Siti"da o'ynab kelmoqda. Bu davrda u barcha turnirlarda 418ta o'yinda qatnashib, 108ta gol urgan va 177ta golli uzatmani amalga oshirgan.
Bosh sahifaga
464