Krishtianu Ronaldu o'g'lini yoshlar terma jamoasiga chaqirilgani bilan tabrikladi: “Faxrlanaman, o'g'lim!”

Krishtianu Ronalduning o'g'li ilk bor Portugaliya yoshlar terma jamoasiga chaqiruv oldi. Bu xabarga mashhur 40 yoshli hujumchi ijtimoiy tarmoqda munosabat bildirdi va o'g'liga murojaat qildi.

“Sen bilan faxrlanaman, o'g'lim!”, — deb yozdi Ronaldu o'z sahifasida.

Krishtianu Ronaldu Junior joriy yil iyun oyida 15 yoshni qarshi oladi. U hozirda “An-Nasr” jamoasining 15 yoshgacha bo'lganlar toifasidagi tarkibida to'p tepmoqda.