"Roma"ning yulduz futbolchisi Argentinaga qaytishi mumkin

"Roma" hujumchisi Paulo Dibala vataniga qaytishi mumkinligi haqidagi fikrlari bilan o'rtoqlashdi.

"Argentinaga qaytish haqida o'ylayapman, chunki men hech qachon Birinchi divizionda o'ynamaganman. Men mahalliy stadionlar muhitini his qilishni xohlayman. Bu haqiqatan ham sodir bo'ladimi, bilmayman, lekin men buni juda xohlardim. Argentinaga qaytish uchun eshikni ochiq qoldiraman. Leandro Paredes bilan bu haqda gaplashdik, ammo biz “Roma”da qolishga qaror qildik", dedi Dibala.

Paulo Dibala 2022 yilning yozida erkin agent sifatida "Roma"ga o'tgan edi.