«Roma» va «Milan» Anchelotti bilan aloqaga chiqishdi

"Roma" va "Milan" klublari "Real" bosh murabbiyi Karlo Anchelotti bilan o'z jamoalarini boshqarish taklifi bilan bog'lanishdi. Bu haqda La Gazzetta dello Sport xabar bermoqda.

Manbaga ko'ra, 65 yoshli mutaxassis Italiyadan tushgan takliflarni ko'rib chiqishga tayyor. Ta'kidlanishicha, ikkala klub ham Anchelottidan javob kutmoqda.

Italiyada Anchelotti "Rejina", "Parma", "Yuventus", "Milan" va "Napoli" klublarida bosh murabbiy sifatida ishlagan.

Avvalroq OAVda italiyalik mutaxassis joriy mavsum oxirida ishdan bo'shatilishi mumkinligi haqida xabarlar paydo bo'lgan edi. Anchelottining "Real" bilan shartnomasi 2026 yilning yozigacha amal qiladi.