Figu: "Futbolda odamlarning xotirasi qisqa"

“Oltin to'p”ning sobiq sovrindori Luish Figu “Real Madrid” klubining amaldagi bosh murabbiyi Karlo Anchelottini iste'foga chiqarish rejasidan hayratda ekanligini bildirdi.

"Bu, albatta, Florentino Peresning ishi, lekin, ochig'ini aytsam, men shaxsan hayronman. Futbolda odamlarning xotirasi qisqa, faqat eng so'nggi natijalar muhimdek tuyuladi ularga.

Anchelottidek murabbiyning yutuqlariga bepisand munosabatda bo'lish menga g'alati tuyuladi.

U barcha sovrinlarda g'alaba qozongan va har yili u o'zining qadr-qimmatini isbotlamoqda", - deydi Figu.