Antonining golsiz seriyasi yakunlandi

"Betis" vingeri Antoni La Liganing "Jirona"ga qarshi o'yinida gol urdi.

Braziliyalik futbolchi uchrashuvning 39-daqiqasida raqib darvozasini ishg'ol etib, tabloda 2:0 hisobini o'rnatdi. "Manchester Yunayted"dan ijaraga olingan futbolchi shu tariqa 6 ta bahsdan iborat golsiz seriyani yakunladi. 25 yoshli futbolchi o'zining avvalgi golini 13 mart kuni Konferentsiyalar ligasida "Vitoriya Gimaraes"ga qarshi o'yinda kiritgan edi.

Hammasi bo'lib Antoni barcha musobaqalarda "Betis" uchun 17 o'yinda beshta gol urdi va to'rtta golli uzatmani amalga oshirdi.