Tyago Alkantara: "Pedri - dunyoning eng kuchli futbolchisi"

Ispaniyalik mashhur sobiq futbolchi Tyago Alkantara "Barselona" yarim himoyachisi Pedri haqida qanday fikrda ekanini aytdi.

22 yoshli futbolchi ajoyib mavsum o'tkazmoqda - keng tarqalgan fikrlarga ko'ra, uni hozirdanoq "Oltin to'p"ga da'vogarlardan biri deb hisoblash mumkin. Alkantara "ko'k-anorranglilar"ning yulduzli xavbekiga maqtovlarini yanada oshirib yubordi.

"Pedri - aql bovar qilmas o'yinchi va shaxsan men uni nafaqat dunyodagi eng yaxshi yarim himoyachilardan biri, balki umuman eng yaxshi futbolchilardan biri, ehtimol, eng yaxshisi deb hisoblayman," - deya Tyagoning so'zlarini keltiradi ispan OAV.