Tonaliga oltita top-klub qiziqmoqda

"Nyukasl" yarim himoyachisi Sandro Tonalini bir nechta yirik jamoalar kuzatib turibdi.

Agar mish-mishlarga ishonadigan bo'lsak, italiyalik futbolchi yaqinlashib kelayotgan transfer oynasida klubini o'zgartirishga tayyorligini allaqachon aytib bo'lgan. CaughtOffside xabariga ko'ra, yarim himoyachiga "Barselona", "Real Madrid", "PSJ", "Manchester Siti", "Bavariya" va "Yuventus" qiziqish bildirmoqda. "Magpilar" o'z yulduzi uchun taxminan 80 million evro so'rashadi.

"Milan"ning sobiq futbolchisi joriy mavsumda "Nyukasl" safida barcha turnirlarda 40 ta o'yinda maydonga tushib, 5 ta gol urdi va 3 ta golga assistentlik qildi.