Saloh — Afrikaning 2018 yildagi eng yaxshi futbolchisi

«Liverpul» hujumchisi Muhammad Saloh 2018 yil yakunlari bo'yicha Afrika qit'asining eng yaxshi futbolchisi deb topildi. Bu haqda Afrika futbol konfederatsiyasi xabar tarqatdi.

26 yoshli misrlik futbolchi ketma-ket ikkinchi marta ushbu sovrinni qabul qilib oldi. Sovrinni yutish uchun kuchli uchlikka, shuningdek, "Liverpul" hujumchisi Sado Mane va «Arsenal»ning gabonlik forvardi Per-Emerik Obameyang kirishgandi.

Avvalroq Saloh BBC versiyasiga ko'ra Afrikaning 2018 yildagi eng yaxshi futbolchisi deb topilgandi.