«Milan» Gattuzoni hozircha iste'foga chiqarmaydigan bo'ldi

«Milan» Italiya chempionatining 19-turidan o'rin olgan SPALga qarshi bahsda g'alaba qozondi — 2:1. Mazkur o'yindan keyin "rossoneri" rahbariyati yig'ilish o'tkazib, jamoa bosh murabbiyi Jennaro Gattuzoning taqdirini muhokama qilishgan.

Leonardo va Paolo Maldini klub ijrochi direktori Ivan Gazidisni 40 yoshli murabbiy jamoa boshqaruvida qolishi kerakligiga ishontirishdi. Bu haqda taniqli italiyalik jurnalist Janluka Di Martsi xabar tarqatdi.

Natijada klub rahbariyati Gattuzoga ishonch bildirishga qaror qildi. Eslatib o'tamiz, «Milan» hozirda 31 ochko bilan A seriya jadvalida 5-o'rinni egallab turibdi. Milanliklar EChLga yo'llanma beradigan 4-o'rindan 1 ochko ortda qolishmoqda.