«Bavariya» futbolchisi avariyaga uchradi

«Bavariya» yarim himoyachisi Kingsli Koman yo'l transport hodisasiga uchradi. 22 yoshli frantsiyalik futbolchi 23 dekabr kuni yomg'irli havoda o'zining McLaren 720s avtomobilida boshqaruvni yo'qotdi va to'siqqa borib urildi.

Ma'lumotlarga qaraganda, mashina to'liq to'xtagunga qadar yana 150 metr masofaga sirpanib borgan. Komanning o'ziga talofat etmagan bo'lsa, avtomobil jiddiy jabr chekkan.

Ushbu avtohalokat tufayli Komanga jarima yozilgan. Bu paytda futbolchi alkogol mahsulot iste'mol qilmagani va tezlikni oshirmagani ma'lum bo'ldi.