Keyn: "Agar mos o'yinchi topilmasa - hech kimni sotib olmagan ma'qul"

"Tottenhem" hujumchisi Garri Keynning fikricha, uning jamoasi yangi futbolchini sotib olishga muhtoj emas.

"Ba'zan, mos o'yinchi topishning iloji bo'lmasa, hech kimni sotib olmagan ma'qul. Bizning bossimiz falsafasi shunday. Yozda u aynan shunday yo'l tutdi. U tarkibmizga ishondi, hozirda hamma ishlari joyida.

Qishki transferlar chog'ida nima bo'ladi, ko'ramiz. Agar rahbariyat kimnidir sotib olishni istasa - bu sodir bo'lishi mumkin. Aks holda ishimizda davom etamiz. Har qanday vaziyatda tayyormiz", - deydi Keyn.

Eslatib o'tamiz, "Tottenhem" yozda hech kimni sotib olmadi va sotmadi ham.

Jamoa APLning ikkinchi pog'onasida bormoqda va etakchi "Liverpul"dan 6 ochko kam to'plagan.