Peti: "O'zil oxirgi ikki yil davomida maydonda sharpaga o'xshab ko'rindi"

"Arsenal"ning sobiq yarimhimoyachisi Emmanuel Peti "kanonirlar" yarimhimoyachisi Mesut O'zil haqida fikr bildirdi.

"Juda ko'plab to'p oshiradigan va gollar uradigan o'sha O'zil qani? Menimcha, unda maydonga tushish istagi so'ngan. Bu narsa Mesutda yo'q. "Brayton" bilan o'yinda uni tanaffusda almashtirdilar. Men O'zilning ashaddiy muxlisiman, ammo u oxirgi ikki yilda sharpa bo'lib yurdi", - deydi 1998 yilgi jahon chempioni.

O'zil 2013 yildan buyon "Arsenal"da o'ynab kelmoqda. Premer-liganing ushbu mavsumida 13 o'yinda uchta gol urdi va bir golga to'p oshirdi.