Mourino ketganidan keyin «Real» nechta sovrinni qo'lga kiritdi?

So'nggi 5 yil davomida Madridning "Real" klubi xalqaro arenada hukmronlik qilmoqda. 2014-2018 yillar davomida "Qirollik klubi" jami 14ta sovringa ega chiqdi. "Qaymoqranglilar" ichki chempionat doirasida 3ta, xalqaro musobaqalarda esa 11ta sovrinni qo'lga kiritishdi.

"Real" bu yutuqlarga Joze Mourinoni iste'foga chiqarganidan keyin erishdi. Jamoa Zayniddin Zidan boshqaruvida 9 marta turli musobaqalarda g'olib chiqqan bo'lsa, Karlo Anchelotti "Madrid"ga 3ta sovrinni olib kelgan. Klubning hozirgi bosh murabbiyi Santyago Solari esa klublar o'rtasida JCh orqali ilk sovrinni qo'lga kiritdi.

Darvoqe, Joze Mourino "Real"dagi 3 yillik faoliyat davomida bir martadan Ispaniya kubogi, Ispaniya La ligasi va Ispaniya superkubogini qo'lga kiritgan.